Изјава за медиумите на лидерот на опозицијата, г-дин Зоран Заев во врска со поднесувањето на оставките на избраните пратеници во Собранието на Република Македонија

Почитувани граѓани и претставници на медиумите,

Кандидатите за пратеници од опозицијата денеска до Собранието ги доставија своите оставки.

НЕМА УЧЕСТВУВАЊЕ ВО ПАРЛАМЕНТ ШТО НЕ Е ОДРАЗ НА ВИСТИНСКАТА ВОЛЈА НА ГРАЃАНИТЕ, НИТУ НЕКОЈ МОЖЕ ДА ВЛИЈАЕ НА ОВОЈ СТАВ НА ОПОЗИЦИЈАТА.

СО ОВОЈ ЧИН СЕ ПОЧИТУВА ОДЛУКАТА ДОНЕСЕНА ОД ОРГАНИТЕ И ТЕЛАТА НА ПАРТИИТЕ И СЕ ПОТВРДУВА ЦВРСТАТА ОПРЕДЕЛЕНОСТ НА СДСМ И НА КОАЛИЦИСКИТЕ ПАРТНЕРИ ЗА НЕПРИФАЌАЊЕ НА МАНДАТИТЕ.

Оставки поднесоа сите 33-ца пратеници кои потпишаа на нотар дека не ги прифаќаат мандатите.

Власта на Никола Груевски насилно ги верификуваше мандатите на пратениците на опозицијата.

Ги погази и Уставот и законите.

Го згази уставно и законски загарантираното право на избор на овие луѓе.

Направи притисоци врз судска одлука.

СО ПОДНЕСЕНИТЕ ОСТАВКИ, ЈАСНО ИМ СТАВАМЕ ДО ЗНАЕЊЕ НА НИКОЛА ГРУЕВСКИ И НА НЕГОВАТА ВЛАСТ ДЕКА НЕ МОЖЕ НАСИЛА ДА ЈА ВНЕСАТ ОПОЗИЦИЈАТА ВО ПАРЛАМЕНТОТ!

НИКОЛА ГРУЕВСКИ МОРА ДА ЈА ПРЕЗЕМЕ ОДГОВОРНОСТА ЗА СПРОВЕДЕНИТЕ КРИМИНАЛНИ ИЗБОРИ И ЗА ПРОБЛЕМИТЕ ШТО ОД НИВ ПРОИЗЛЕГОА.

СДСМ во координација со коалициските партнери подготвува Платформа за натамошно вонпарламентарно дејствување против режимската власт.

Тоа ќе бидат прецизни активности кон коишто ќе можат да се вклучат сите прогресивни сили во општеството.

Целта е јасна и единствена, враќање на демократските институции и создавање услови за одржување слободни и фер избори на коишто ќе биде реализирана вистинската волја на граѓаните на Република Македонија.