Владата потфрли – наместо реални мерки, ги оставаат граѓаните сами да се справуваат со растот на цените предизвикан од кризата со горивата!

25 март, 2026

НСДП предупредуваше дека ненавременото преземање мерки на Владата ќе доведат до нов бран поскапувања и директен удар врз животниот стандард на граѓаните. Денес, тоа за жал се потврдува.


Цената на дизелот повторно порасна и достигна 95,5 денари за литар, што е јасен показател дека мерките не даваат резултати и дека економската политика се води без јасна насока и контрола.
Граѓаните веќе го чувствуваат притисокот. Активирана е спиралата на раст на цените на храната, при што основните производи стануваат сѐ понедостапни, додека платите стагнираат и ја губат својата реална вредност.
Маслото за јадење, јајцата, овошјето, зеленчукот и месото бележат континуиран раст на цените, што значи дека секојдневниот живот станува сѐ потежок, а семејните буџети се на работ на издржливост.
Недозволиво е во услови на ваква ценовна криза да нема соодветна и навремена реакција од Владата. Наместо конкретни и ефективни мерки, јавноста слуша изјави што не ја отсликуваат реалната состојба.
НСДП бара итна промена на пристапот, со намалување на акцизата за горивата, намалување на даночниот товар врз горивата и основните прехранбени производи, поддршка за земјоделците преку мерки како вонредно доделување на зелена нафта, мерки за помош на ранливите категории граѓани, како и политики што ќе обезбедат реален раст на платите, особено на минималната плата.
Потребни се одговорни и одржливи економски политики што ќе го стават интересот на граѓаните пред сѐ.
Прашањето денес е едноставно – дали граѓаните ќе можат достоинствено да го преживеат месецот?
НСДП ќе продолжи јавно да се бори за економска правда, достоинствен труд и сигурен животен стандард за сите.

НАШИ ПРИОРИТЕТИ

И трудот е капитал

Вработување

Енергетика

Земјоделство