Интервју на кандидатот за претседател на Република Македонија, Стево Пендаровски за порталот Локално.мк

Локално.мк: Со оглед на тоа дека сте дел од академската заедница, Вие сте д-р на науки и професор, можам да претпоставам дека многу читате тоа што морате. Но што е она другогото? Кој вид литература преферирате, кој автор?

Пендаровски: Повторно стручна литература, и тоа многу. Уште пред да почнам да го работам ова што денска го работам, најмногу се интересирав за глобалните текови, безбедноста и односите меѓу државите. Знаете како викаат, најдобро е кога ќе ги споиш работата и задоволството, а јас токму тоа го правам.

Локално.мк: Колумна?

Пендаровски: Колумнист J. Борис Дежуловиќ со задоволство го читам.

Локално.мк: Работата и секојдневието брзината на настаните носат огромен стрес. Имате ли некакво ваше прибежиште каде што се чувствувате сосема свој и безбеден?

Пендаровски: Иако можеби ќе звучи како клише, важно ми е со кого сум, а не каде сум. Кога сум во кругот на семејтвото, односно кога сум опкружен со сопругата и синот, се чувствувам најбезбеден, а дома сум најмногу свој.

Локално.мк: Парк , планина или улични шеми Македонија, Аминта , Круг , Дебар маало…

Пендаровски: По улични шеми не сум многу, планина може по некогаш, но парк ми е првиот избор. Има пространост и зеленило, доволно е тивко за да се опуштиш, а сепак си опкружен со луѓе.

Локално.мк: Кога би требало да се претставите себеси, кои карактерни особини би си ги припишале?

Пендаровски: Обичен човек. Сосема обичен човек.

Локално.мк: Сметате ли дека напредокот и технологијата ги променија луѓето? Како се живееше порано, а како сега? Го олеснија или го отуѓија животот?

Пендаровски: Напредокот во секоја сфера од општеството е неминовен, а технологијата игра улога на некаков олеснувач на тој процес. За жал технологитата го забрза процесот на оддалечување и отуѓување на луѓето. Како и да е, тоа е нешто што не може да се запре, па ни останува на нас, луѓето, да се прилагодиме на сето тоа.

Локално.мк: А верувате ли се уште во другарство? Имате ли пријатели на кои би можеле „да се потпрете“?

Пендаровски: Верувам во другарство и тоа баш во оној искрен и чист меѓусебен однос, кога можете се да си кажете, да се посоветувате и да си помогнете. За среќа, имам неколку такви другари со кои се познаваме уште од детството и со кои многу сме поминале заедно и повеќепати сме се “потпирале еден на друг”.

Локално.мк: А за одмор статичен под чадор, до солена вода или патување од град во град

Пендаровски: Дефинитивно од град во град. Сакам движење и сакам да откривам нови нешта.

Локално.мк: Што е тоа што Ве прави среќен?

Пендаровски: Едноставно- животот. И сите мали нешта што него го чинат.

Локално.мк: Кога би морале да изберете би избрале: Крушево Охрид , море или Скопје?

Пендаровски: Скопје.

Локално.мк: Анџелина Џоли или Мерлин Монро или..

Пендаровски: Кетрин Денев.

Локално.мк: U2 или Duran Duran?

Пендаровски: Duran Duran.

Локално.мк: Тоше или Архангел?

Пендаровски: И Тоше и Архангел.

Локално.мк: Барак Обама, Владимир Путин или ЕУ?

Пендаровски: Дефинитивно ЕУ.

Локално.мк: Мајонез или Ајвар?

Пендаровски: Ајвар, се разбира !

Локално.мк: Пица или скара?

Пендаровски: Пица.

Локално.мк: Пиво или Вино?

Пендаровски: Бело вино

Локално.мк: Цеца или Гоце Арнаудов?

Пендаровски: Никола Бадев, Кирил Манчевски, Александар Сариевски, Јонче Христовски.

Локално.мк: Интернет или библиотека?

Пендаровски: Интернет.

Локално.мк: Салвадор Да ли или Пикасо?

Пендаровски: Пикасо.

Локално.мк: Томас Хобс и Жан Боден или Џон Лок и Монтескје?

Пендаровски: Боден, Лок и Монтескје.

Локално.мк: И само еден избор?

Пендаровски: Во демократијата мора да има повеќе од само еден избор!