Наместо да ги спроведе реформите што Европската Унија ги бара веќе две години, Владата предводена од Мицкоски ја турка државата кон изолација и конфронтација со Брисел

21 февруари, 2026
НСДП оценува дека наместо да ги спроведе реформите што Европската Унија ги бара веќе две години, Владата предводена од Христијан Мицкоски ја турка државата кон изолација и конфронтација со Брисел, со реторика што директно им штети на националните интереси и ја оддалечува земјата од европскиот пат.
Над 70% од граѓаните ја поддржуваат европската перспектива на државата.
Наместо јасно лидерство и конкретни резултати во владеење на правото, независноста на судството, слободата на медиумите и борбата против корупцијата, слушаме изговори за „булинг“ и поделби. Тоа не е притисок, туку последица на неисполнети обврски и застој во реформите што Европа со години ги посочува како клучни.
Додека Албанија и Црна Гора забрзано чекорат кон членство во Европската Унија, отвораат и затвораат поглавја и испорачуваат конкретни резултати, Македонија стагнира.
Наместо да го фати чекорот со регионот и да ја искористи јасно отворената перспектива за напредок до 2027 година, Владата избира политика на конфликти со соседите и напади кон ЕУ како одговор на критиките.
Во услови на сериозни безбедносни и корупциски предизвици, сомнежи за политички влијанија врз институциите и ограничување на медиумскиот простор, потребни се суштински реформи и силни, независни институции.
Европската интеграција не е прашање на реторика, туку на работа, одговорност и реални резултати!
НСДП ќе продолжи доследно да се залага за европска иднина заснована на правда, транспарентност и владеење на правото, затоа што Македонија заслужува да биде дел од европското семејство, а не заложник на погрешни политики и изолација.

НАШИ ПРИОРИТЕТИ

И трудот е капитал

Вработување

Енергетика

Земјоделство