НСДП Битола: Ова не е реформа – ова е финансиски удар врз граѓаните!

28 јануари, 2026
 ДПМНЕ во Битола предлага скандалозни поскапувања од 33,33% за градинки, старски домови и Комуналец, како и 50% до 100% зголемување на цените за паркирање, при што се укинува паркирањето за блок-часови – директен удар врз вработените, родителите и секојдневниот живот во градот.
Без анализи. Без образложение. Без одговорност.
Јавните претпријатија и нивните директори јавно признаваат дека животот на граѓаните веќе е поскапен токму за процентите што сега ги бараат, а наместо олеснување – следи нов товар.
Со овие мерки се обидуваат да го покријат лошото работење, долговите и неспособноста од изминатиот мандат.
Градоначалникот повторно молчи, додека сметката ја плаќаат граѓаните.
Овие поскапувања НЕ беа дел од изборната програма на ДПМНЕ – граѓаните не гласаа за поскапа Битола.
НСДП Битола е категорично ПРОТИВ ваквото бездушно и арогантно владеење.
Бараме итно стопирање на сите поскапувања, враќање на блок-часовите за паркирање и јавна, транспарентна расправа со реални податоци.
Ги повикуваме граѓаните, синдикатите и граѓанските здруженија да реагираат гласно и јасно.
Битола не смее да стане град во кој граѓаните ги плаќаат грешките, суетата и неспособноста на локалната власт.
НСДП Битола – против поскапувања, за достоинствен живот на граѓаните.

НАШИ ПРИОРИТЕТИ

И трудот е капитал

Вработување

Енергетика

Земјоделство