На градскиот плоштад во Куманово, вчеранавечер Социјалдемократскиот Сојуз на Македонија одржа централен митинг, на кој говореа Претседателот на СДСМ, Зоран Заев, кандидатот за пратеник од Куманово, Љубиша Николиќ, носителот на листата, Петре Шилегов, како и претседателскиот кандидат, Стево Пендаровски.
На митингот, свое обраќање имаше и претседателскиот кандидат, Стево Пендаровски, и според него, на првиот изборен круг, власта организирала тежок изборен фалсификат.
– По слободна проценка, власта ни украде 80 до 100 000 гласови кои реално требаа да бидат на нашето конто. Нема да имаме никакво оправдување ако на 27 дозволиме ни се случи истото, ако повторно биде променета волјата на опозицијата. Наспроти сите уцени и закани и притисоци, мора да извојуваме победа, затоа што алтернативата е пропаст на Македонија – рече Пендаровски.
