Во Големата сала во Комплексот на манастирот Св.Троица во село Петралица, општина Ранковце се одржа Изборна конференција на НСДП општинска организација Ранковце.

На Конференцијата за претседател на ОО на НСДП Ранковце беше избран Горан Младеновски, член на Советот на општина Ранковце од редовите на НСДП.

Исто така беа избрани Извршен одбор и Надзорен одбор на општинската организација.

Пред присутните делегати се обрати претседателот на НСДП Горан Мисовски кој особено се заблагодари на делегатите на НСДП Ранковце кои беа присутни на 5 Конгрес и дадоа недвосмислена поддршка за него. Пред делегатите говореше за актуелните политички случувања во државата и за политиките кои ги предлага и спроведува партијата.

Пред делегатите се обрати и избраниот претседател на општинската организација Горан Младеновски кој вети дека ќе ја оправда довербата на делегатите и дека силно, чесно и посветено и транспарентно, како еден тим ќе ја води општинската организација❗️

По завршувањето на Изборната конференција беше организиран пригоден коктел за делегатите и гостите.

На Конференцијата беа присутни и генералниот секретар на НСДП Мики Милковски, потпретседателката Јулијана Цековска, потпретседателот Зоран Маневски, секретарот за меѓународна соработка Марјан Дамјановски и претседателот на НСДП Куманово, Благојче Јаќимовиќ, претседателот на ОО НСДП Крива Паланка, Влатко Ристовски и членови на Централниот одбор.
СИЛНО И ЧЕСНО‼️