Груевски и ВМРО – ДПМНЕ се коцкаат со иднината на Македонија

12 јули, 2014

Соопштение за медиумите и јавноста:

nsdp-logo1

Нова социјалдемократска партија-НСДП остро ја критикува одлуката на Груевски да не прифаќа формирање на техничка влада и по цена РМ да ја изгуби препораката за отпочнување на преговорите со ЕУ. Според нив, станува јасно дека Груевски призна дека ВМРО ДПМНЕ не може да победи на ниту едни избори организирани на фер и демократски начин.

Кога политиката на портокаловата револуција навистина би се темелела на барање на гласови за реализирани проекти од општ интерес за граганите, чуму би бил тогаш стравот на Груевски за формирање на техничка влада, која би организирала предвремени парламентарни избори согласно изборниот законик и европските стандарди. Уште еднаш сакаме да го потенцираме ставот на НСДП, дека без злоупотреба на полицијата, буџетските средства и останатите државни ресурси, ВМРО ДПМНЕ неможат да победат на ниту едни избори.

Можеме само да претпоставиме колку криминал, злоупотреби, насилие, уцени, закани и поткупувања се случуваат во текот на неколку изборни циклуси наназад, кога Премиерот на државата, наместо исполнување на обврската за организирање на фер и демократски избори, спремен е да ја стави на коцка позитивната препорака од ЕУ, со единствена цел, резултати на изборите по секоја цена. Никола Груевски и ВМРО-ДПМНЕ се коцкаат со иднината на Македонија.

Мотивите на Никола Груевски и ВМРО ДПМНЕ да се коцкаат со иднината на РМ, можеби се кријат во стравот од губењето на власта и кривичната одговорност за нивното криминалното владеење во изминатиот период, особено за осетливиот предмет Македонска банка и евентуалните 1,5 милиони евра провизија, за кои што можеше да слушне целата Македонска јавност.

НАШИ ПРИОРИТЕТИ

И трудот е капитал

Вработување

Енергетика

Земјоделство