3 март, 2014
Изјава за дневниот весник „Слободен печат“ на потпретседателот на НСДП, проф.д-р Николче Ацевски:
Универзитетскиот професор по електротехника Николче Ацевски, член на НСДП, смета дека директорските смени во енергетиката требаше да се направат многу порано бидејќи старите тимови не изградија ниту еден енергетски објект и за 8 години дозволија да се увезе енергија за 1,2 милијарди евра со што Македонија стана увознозависна земја со увоз од над 30 проценти од произведената електрична енергија во државата.
-Самиот Груевски го призна поразот на владините политики во делот на енергетиката и се одлучи за комплетна смена на сите раководни структури во овие енергетски компании, нешто на кое ние како НСДП укажуваме дека е неопходно потребно, постојано, скоро 3 години. Овие смени требаше да се направат и многу порано бидејќи вложувањата во енергетските објекти можат да генерираат раст и развој и отварање на нови работни места – рече Ацевски на собраниската расправа за избор на член на Регулаторната комисија за енергетика.
Повеќе на порталот ПЛУСИНФО :