Мора да го искажеме нашето задоволство од тоа што организационите промени како и изборот на новото раководство во ОО на НСДП – Битола, предизвика разбранување во редовите на власта, кои опиени од моќта искажуваа чувство на недопирливост.

Не радува фактот, што овие позитивни промени на политичката сцена, како и ветрот што почнува да дува спротивно од правецот на движење на нивниот брод, власта почна да ги сфаќа сериозно.
Но, мора да го искажиме нашето жалење на нивната анемична реакција. Искрено очекувавме поголема креативност, но знаејќи од кој доаѓа не ни можевме да очекуваме повеќе.

Затоа му предлагаме на господинот, кој што деновиве по налог на моменталната власт, во една емисија на Орбис телевизија, продолжи со ширење на своите лаги и небулози, да си ја зема редовно „терапијата“, препишана од неговите налогодавачи и мирно да си седи под „владината сукња“, каде што очигледно се чувствува најудобно.

Најтопло му препорачуваме да не се срами повеќе, и да си седи таму каде што е, барем додека сеуште може.