На ден 10 ноември 2019 година во хотелот Арабела во Кичево се одржа Изборна конференција на Општинската организација на НСДП во Кичево на која беа избрани Претседател на ОО, Извршен одбор и Надзорен одбор.
За претседател е избран г-дин Борче Петковски, како и 8 членови на Извршниот одбор и 3 на Надзорниот одбор на општинската организација на НСДП во Кичево.
Покрај делегатите на конференцијата присуствуваше и претседателот на НСДП, Тито Петковски и секретарот на партијата, Кристијан Трајковски.
Претседателот Петковски имаше поздравно обраќање до делегатите во кое ја поздрави работата на општинската организација и им посака уште поплодна работа и успеси во иднина. Исто така се осврна на актуелната политичка ситуација во државата и предизвиците пред кои сме исправени во идниот период. Истакна дека НСДП е спремна за следните предвремени парламентарни избори кои треба да се одржат напролет, формиран е Централниот изборен штаб кој ќе го води секретарот Трајковски и во тек е формирањето на општинските изборни штабови.
Претседаетлот Петковски ги информираше присутните делегати дека тој ќе го предводи тимот кој ќе ја подготви Програмата за парламентарните избори 2020 година и дека сме отворени за сите корисни предлози и идеи кои ќе ја збогатат истата и ќе произлезат од реалните потреби на граѓаните и интересните групи кои се во фокусот на делувањето на НСДП.