Претседателот Петковски и секретарот Трајковски на регионална средба со раководствата на НСДП од ИЕ3 во Штип

Претседателот на НСДП Тито Петковски и генералниот секретар Кристијан Трјковски вчера во Штип присуствуваа на регионална средба со општинските организации на партијата од третата изборна единица.

На средбата стана збор околу подготвувањето на партиските организации и мобилизрањето на членството и симпатизерите во пресрет на престојните предвремени парламентарни избори.

Раководствата на општински организации информираа за состојбите со локалните ограноци на партијата,изразувајќи притоа задоволство од мотивираноста и подготвеноста на членството за вклучување во предизборни активности.

 На средбата се актуелизираше и потребата за измена на постоечкиот изборен модел од шест во една изборна единица, за што од страна на присустните беше афирмирано големите политички партии во Северна Македонија да ја прифатата и поддржат промената на изборниот модел.

„Промената на постоечкиот изборен модел со воведување на една изборна единица наместо постоечките шест, претставува демократска трансформација на политичкиот систем во државата за која НСДП веќе подолго време ја промовира и застапува. На тој начин ќе се зголеми репрезентативноста на Собранието и ќе се даде дополнителна демократска вредност во севкупниот политички живот во земјава“, порача претседателот на партијата Петковски.

Тој оцени дека деконцентрацијата на политичката моќ од големите политички парти  кон помалите партиципиенти на македонската политичка сцена може да доведе само  до поквалитетен политички натпревар на идеи и ставови, како и поттикнување на демократското созревање на политичката атмосфера во земјава.

Од страна на присутните преставници на партијата заеднички беше оценето дека независно од тоа што Северна Македонија не го доби долго очекуваниот и ветуван датум за почеток на преговори за полноправно членство од Брисел, ЕУ останува единствената политичка перспектива  за земјава за која НСДП ќе продолжи политички да се бори.

Најново

НСДП: Оваа учебна година да се прескокне

Тито Петковски: Барањето на ДУИ премиер да биде Албанец е обид Зоран Заев да се делегитимира, но и обид да се воведе друг општествен систем

Петковски: Најголемите придобивки од Охридскиот рамковен договор се мирот, стабилноста, да нема воени дејствија

Петковски: Политичките партии коишто учествуваа на изборите мора да најдат начин како во рок од тие 20 дена да се конституира Собранието, односно да ги почнат на време своите преговори

ОБРАЌАЊЕ НА ПОТПРЕТСЕДАТЕЛОТ МИСОВСКИ НА СВЕЧЕНОТО ОДБЕЛЕЖУВАЊЕ НА 2 АВГУСТ – ДЕНОТ НА РЕПУБЛИКАТА

СЛУЖБА ЗА ОДНОСИ СО ЈАВНОСТ НА НСДП