Апостолска: Владата ги поддржува компаниите да инвестираат и да создаваат нови и добро платени работни места

Владата активно работи на создавање на атмосфера компаниите да инвестираат, да растат и да се развиваат, да создаваат нови и добро платени работни места за граѓаните, порача министерката без ресор задолжена за странски инвестиции, Зорица Апостолска при денешната посета на компанијата „Мегатехна“ во Скопје, која се занимава со производство на материјали за мебел.

На средбата со менаџментот на компанијата, министерката Апостолска истакна дека со Законот за финансиска поддршка на инвестициите и неговите измени е направен исклучителен прогрес во системот на поддршка на компаниите во реализацијата на нови инвестиции, со што преку конкретни форми на поддршка им се обезбедуваат услови за одржлив раст и развој, како и стимулации за реализација на нови вработувања.

„Владата ја препознава потребата на стопанството за квалитетна и мотивирана работа сила и затоа гради мерки кои ќе понудат значајна поддршка на компаниите и во овој сегмент. Дуалното образование се интегрира во образовниот систем од каде се очекува да се зголеми фондот на квалификувана работна сила, со напредни вештини и знаења, која ќе биде достапна за стопанството“, рече министерката Апостолска.

Министерката Апостолска направи обиколка на производствените капацитети на компанијата, се запозна со развојните планови и модернизацијата на производството, притоа изразувајќи задоволство што може да се увери во реалните придобивки кои ги испорачува Законот за финансиска поддршка на инвестициите.

Најново

ОБРАЌАЊЕ НА ПОТПРЕТСЕДАТЕЛОТ МИСОВСКИ НА СВЕЧЕНОТО ОДБЕЛЕЖУВАЊЕ НА 2 АВГУСТ – ДЕНОТ НА РЕПУБЛИКАТА

Потпретседателот на Собранието г.Мисовски положи свежо цвеќе во знак на почит и сеќавање на жртвите од катастрофалниот земјотрес во Скопје во 1963 година

Министерката Апостолска дел од делегација на Владата положија цвеќе на Споменикот на жртвите од земјотресот кој го погоди Скопје во 1963 година.

ОБРАЌАЊЕ НА Г. ГОРАН МИСОВСКИ, ПОТПРЕТСЕДАТЕЛ НА СОБРАНИЕТО, НА ТЕМА „ИЗГЛЕДИТЕ НА РЕГИОНАЛНАТА СОРАБОТКА ПО ПАНДЕМИЈАТА: ВРЕМЕ НА ПОГОЛЕМА ИНТЕГРАЦИЈА?“

НСДП до граѓаните: Излезете на 15 јули и учествувајте во носењето на големата одлука да продолжиме напред

СЛУЖБА ЗА ОДНОСИ СО ЈАВНОСТ НА НСДП