Апостолска: Владата посветено работи на унапредување на бизнис климата

Министерката без ресор задолжена за странски инвестиции, Зорица Апостолска во рамки на активностите за претставување на измените и дополнувањата на Законот за финансиска поддршка на инвестициите пред стопанственици од различни региони на земјава, денес имаше работна средба и со членки на регионалната комора при Стопанската комора на Македонија во Кичево, на која учествуваа претставници на домашани и странски компании од овој регион.

Министерката Апостолска на средбата истакна дека Владата на Република Северна Македонија посветено работи на унапредување на бизнис климата преку реализација на низа комплементарни економски мерки, еден дел содржани и во Законот за финансиска поддршка на инвестициите, кои се насочени кон поттикнување на нови инвестиции, стимулирање на претприемништвото, унапредување на технолошко-техничките процеси, како и воведување на иновации во производствените процеси на компаниите кои работат во земјата, со крајна цел креирање на нови, подобро платени работни места и повисока конкурентност на економијата.

„Во насока на реализација на приоритетот за остварување на побрз и одржлив економски раст и развој се направија и измените на Законот за финансиска поддршка на инвестициите, со што компаниите од ИТ секторот, секундарното земјоделско производство, трговијата, градежништвото добиваат можност за финансиска поддршка за реализација на продуктивни инвестиции. Со овие измени унапредување се направи и во делот на поедноставување на административните процедури кои се потребни за користење на некоја од мерките содржани во законот“, рече министерката Апостолска и нагласи дека Владата останува и понатаму отворена за дијалог со деловната заедница, а со цел понатамошно засилување на активностите во реалната економија.

Министерката Апостолска ги повика стопанствениците од Стопанската комора на Македонија од овој регион да не се воздржуваат од реализација на своите бизнис планови и да ги искористат проширените можностите за финансиска поддршка кои се отворија пред деловната заедница со измените на Законот за финансиска поддршка на инвестициите.

Најново

Мираковска: Стравот и паниката во ВМРО-ДПМНЕ кулминираат, Мицкоски не успеа да ги изврши наредбите на шефот од Будимпешта

МИСОВСКИ: СО НОСЕЊЕ НА СЕТОТ ЗАКОНИ ПРАТИВМЕ ПОРАКА – ИЗВАДЕТЕ ГИ ПРЕДМЕТИТЕ ОД ФИОКА, ПРЕЗЕМЕТЕ ОДГОВОРНОСТ И СУДИТЕ СОГЛАСНО ЗАКОНИТЕ

Мираковска од маршот „Чекориме за правда“: Како законодавна власт го поправивме системот, сега се судовите на ред да донесат правда

Министерката Апостолска: Домашните компании ја препознаа поддршката од Владата, засилено инвестираат и го модернизираат производството

Министерката Апостолска: Го стимулираме растот на платите во приватниот сектор, со цел зголемување на мотивацијата кај работната сила да остане во индустријата

СЛУЖБА ЗА ОДНОСИ СО ЈАВНОСТ НА НСДП