Министерката Апостолска во Кромберг и Шуберт: Преку конкретна поддршка на компаниите Владата спроведува силна

Министерката без ресор задолжена за странски инвестиции, Зорица Апостолска денес реализираше работна посета на компанијата „Кромберг и Шуберт“ која што работи во индустриската зона Жабени во Битола.

Во рамки на посетата министераката Апостолска направи обиколка на компанијата и се запозна со производствените процеси и начинот на организација на работата.

Како дел од посетата, министерката Апостолска имаше и работен состанок со Уве Шилинг, технички директор и Тања Милисковиќ, комерцијален директор на компанијата. Зборувајќи за можностите за инвестирање во земјава министерката Апостолска пред менаџментот на компанијата истакна дека Владата на Република Северна Македонија работи како партнер на бизнисот, посветана на градење на стабилно и предвидливо деловно опкружување со силна институционална грижа за надминување на сите предизвици, а со цел обезбедување на непречена работа на странските компании во земјава и нивно стимулирање за реализирање на нови инвестициски проекти.

„Преку законски втемелени економски политики на стимулација и конкретна поддршка на странските компании за реализација на нови инвестиции, Владата спроведува јасна визија за индустријализација на земјава и креирање на нови и добро платени работни места. Странските компании, како што е и случајот со Кромберг и Шуберт, се значаен фактор во овие владини определби и во смисла што внесуваат современа технологија и напредни менаџерски знаења, односно отвораат потенцијал и за развој на човечкиот капитал“, рече министерката Апостолска и изразувајќи задоволство за економските бенефиции кои компанијата ги дава за пелагонискиот регион испрати порака на охрабрување до менаџментот за продолжување на инвестициските активности.

Министерката Апостолска од страна на менаџментот на компанијата беше запознаена со реализираните и тековни проекти на производство на кабелски снопови кои се користат од страна на реномирани компании од автомобилската индустрија.

„Во изминатите години постојано расте бројот на вработените и во моментов компанијата има над 6400 вработени што ја прави една од најголемите работодавачи во Северна Македонија. Грижата за вработените во компанијата е главната водилка на Кромберг и Шуберт, а фактот дека во оваа компанија се вработени граѓани од целиот пелагониски регион и пошироко, компанијата е позната и по многуте добротворни акции и придонеси во здравството и образованието пред сѐ, како и во другите сфери од животот“, беше порачано од страна на менаџментот на средбата со министерката Апостолска.

Најново

Женската организација на НСДП жестоко ја осудува изјавата на портпаролот на ВМРО-ДПМНЕ

Апостолска: Владата посветено работи на унапредување на бизнис климата

Апостолска: Владата го унапредува системот за поддршка на стопанството

Апостолска: Новата инвестиција на „Текспорт“ е доказ за реалните економски ефекти кои ги испорачува Законот за финансиска поддршка на инвестициите

ДЕЛЕГАЦИЈА НА НСДП ПО ПОВОД ДРЖАВНИОТ ПРАЗНИК „ИЛИНДЕН“ ПОЛОЖИ ЦВЕЌЕ НА МЕЧКИН КАМЕН

СЛУЖБА ЗА ОДНОСИ СО ЈАВНОСТ НА НСДП