Апостолска: Со измените на Законот за финансиска поддршка на инвестициите го унапредуваме системот на поддршка на стопанството

Министерката без ресор задолжена за странски инвестиции, Зорица Апостолска денес имаше работна средба во Сојузот на стопански комори на Македонија (ССК), на која беа презентирани измените и дополнувањата на Законот за финансиска поддршка на инвестициите.

Компаниите-членки на Сојузот, од сите сектори, имаа можност детално да се запознаат со проширениот опсег за финансиска поддршка на инвестициите, како и за можноста за аплицирање која е во тек.

Претставувајќи ги измените на Законот за финансиска поддршка на инвестициите министерката Апостолска истакна дека Владата води отворен дијалог со деловната заедницата во моделирањето на економските политики со крајна цел обезбедување на повисок и поквалитетен животен стандард на граѓаните.

„Со измените на Законот го унапредуваме системот на поддршка на стопанството преку зголемување на опфатот на компаниите кои може да аплицираат за финансиска поддршка на инвестициите, како и прекупоедноставување на административните процедури за аплицирање за овие мерки. Намерата е да  го ослободиме потенцијалот за сериозен раст кој е акумулиран во ИТ секторот, секундарното земјоделско производство, како и кај компаниите кои се занимаваат со трговија а имаат отпочнато продуктивна инвестиција во 2018 година. Се опфаќаат и градежните компании кои имаат производствена компонента во своето работење, односно ќе бидат поддржани за набавка на машини и опрема. Дополнителна мотивација кај компаниите правиме и со олабавувањето на условите за аплицирање“, рече министерката Апостолска.

Повикувајќи ги компаниите од Сојузот да аплицираат за финансиска поддршка согласно Законот и неговите измени, министерката Апостолска истакна дека Владата дава правна сигурност на компаниите за нивните вложувања и им овозможува финансиска поддршка преку транспарентни и отворени постапки.

Претседателката на Сојузот на стопански комори на МакедонијаДанела Арсовска истакна дека зајакнување на јавно – приватниот дијалог и преточување на потребите на компаниите во квалитетни законски решенија кои ќе бидат имплементирани води кон подобарување на деловниот амбиент.

„Имплементацијата на голем дел од барањата на деловната заедница во измените на Законот е од суштинска важност за искористување на средствата за финансиска поддршка на што поголем број компании. Зголемување на нивната конкурентност и инвестициска активност е од витално значење за економски развој, што е и една од целите на Законот. Реалноста е дека производите на малите и средни компании кои се најбројни во македонското стопанство,  тешко се пласираат и пробиваат на странските пазари. Токму затоа, преку јакнење на дијалогот и имплементирање на предлог мерките може да очекуваме развој на приватниот сектор како носител на економскиот растистакна Арсовска и додаде дека резултатите од имплементацијата на законското решение треба да бидат позитивни, посочувајќи дека она што е од голема важност за раст на инвестициите  е  предвидлив деловен амбиент и демонстрирање на јасна волја за владеење на правото.

Најново

Женската организација на НСДП жестоко ја осудува изјавата на портпаролот на ВМРО-ДПМНЕ

Апостолска: Владата посветено работи на унапредување на бизнис климата

Апостолска: Владата го унапредува системот за поддршка на стопанството

Апостолска: Новата инвестиција на „Текспорт“ е доказ за реалните економски ефекти кои ги испорачува Законот за финансиска поддршка на инвестициите

ДЕЛЕГАЦИЈА НА НСДП ПО ПОВОД ДРЖАВНИОТ ПРАЗНИК „ИЛИНДЕН“ ПОЛОЖИ ЦВЕЌЕ НА МЕЧКИН КАМЕН

СЛУЖБА ЗА ОДНОСИ СО ЈАВНОСТ НА НСДП