Министерката Апостолска се сретна со полскиот амбасадор Тицињски

Министеркaта без ресор задолжена за странски инвестиции, Зорица Апостолска денес оствари работна средба со амбасадорот на Република Полска во Република Северна Македонија, Војциех Тицињски.

Претставувајќи ги владините економски политики во делот на привлекување и стимулирање на нови странски инвестиции, министерката Апостолска истакна дека добрите политички односи помеѓу двете земји создаваат одлична подлога за унапредување на односите помеѓу двете бизнис заедници и понатамошно зајакнување на позитивниот тренд во трговските релации од почетокот на годинава, кои во периодот јануари-март бележат раст од 14,7% споредено со иститот период од минатата година.

„Посветеноста во реализацијата на стратегиските приоритети за полноправно членство во ЕУ и НАТО и активните економски политики кои Владата на Република Северна Македонија ги води, создаваат атрактивно деловно опкружување за отпочнување на нови инвестициски проекти. Согласно јасно поставени и достапни критеируми секој инвеститор од Полска може да ја очекува нашата конкретна поддршка за отворање на нови работни места, за воспоставување на соработка со домашните компании, отворање на центри за истражување и развој, за капитални инвестиции во нови машини и опрема“, рече министерката Апостолска.

Амбасадорот Тицињски на средбата истакна дека висок приоритет во наредниот период ќе биде понатамошно развивање на економските релации помеѓу двете земји, притоа изразувајќи подготвеност за вклучување во активно промовирање на можностите за инвестирање во Република Северна Македонија пред бизнис заедницата во Полска.

Најново

Женската организација на НСДП жестоко ја осудува изјавата на портпаролот на ВМРО-ДПМНЕ

Апостолска: Владата посветено работи на унапредување на бизнис климата

Апостолска: Владата го унапредува системот за поддршка на стопанството

Апостолска: Новата инвестиција на „Текспорт“ е доказ за реалните економски ефекти кои ги испорачува Законот за финансиска поддршка на инвестициите

ДЕЛЕГАЦИЈА НА НСДП ПО ПОВОД ДРЖАВНИОТ ПРАЗНИК „ИЛИНДЕН“ ПОЛОЖИ ЦВЕЌЕ НА МЕЧКИН КАМЕН

СЛУЖБА ЗА ОДНОСИ СО ЈАВНОСТ НА НСДП