Пендаровски доби поддршка од борците: Гласот за број три е глас за модерна, европска и слободна држава!

Заедничкиот кандидат за претседател, Стево Пендаровски денеска се сретна со претставници на борците, кои застанаа зад неговиот концепт што води заедно напред, бидејќи како што порачаа, во 1941 година застанале на вистинската страна и ја извојувале слободата, еднаквоста, а сега на 5 мај вистинската страна е гласот за Пендаровски кој носи во модерна, европска и слободна држава.

Пендаровски во своето обраќање посочи дека Македонија е изградена на принципите на слога и единство и отсекогаш била и ќе биде мултиетничка држава во која сите треба да имаат исти права.

Внатрешната кохезија и слогата, порача Пендаровски, се клучот за целосен развој и укажа дека  другиот табор признава само една фамилија, фаворизира една партија и една етничка заедница.

Кандидатката на ВМРО-ДПМНЕ, води националистичка и анахрона политика, политика како излезена од некој музеј од 19 или 20 век. Велат, ако победи Сиљановска ќе  ги поништат договорите со Бугарија и Грција, ќе го укинат Законот за јазици а тоа ќе значи нови блокади, нови поделби и тензии. Тогаш се враќаме назад, нема напредок, нема ни НАТО ни ЕУ. Со географската додавка од името не изгубивме ништо и од македонштината, ние сме Македонци, нашиот јазик е македонски,  рече Пендаровски.

Пендаровски повика на масовна излезност на 5 мај за да се стави конечен крај на груевизмот и неговите остатоци, а државата да продолжи кон интеграција во ЕУ и НАТО, каде вредносно и цивилизациски припаѓа.

 

Најново

Министерката Апостолска во посета на „Амфенол“ – Нови инвестиции и работни места во компанијата, Законот за финансиска поддршка на инвестициите дава резултати

НСДП го усвои Извештајот за претседателските избори, донесе одлука за внатрепартиски избори и изгради став за промена на изборниот модел за избор на пратеници

Министерката Апостолска се сретна со полскиот амбасадор Тицињски

Министерката Апостолска ја посети американската компанија „Теламон“

Министерката Апостолска пред словачки бизнисмени ги претстави поволностите за инвестирање во земјава

СЛУЖБА ЗА ОДНОСИ СО ЈАВНОСТ НА НСДП