Пендаровски со рударите: На 5 мај масовно да излеземе на избори, со глас за број 3 обезбедуваме заеднички пат кон ЕУ и НАТО

Заедничкиот кандидат за претседател Стево Пендаровски денеска се сретна со рудари и жители од Македонска Каменица.

Честитајќи го Меѓународниот ден на трудот, Пендаровски порача дека на правата на работниците не треба да се мисли само на овој ден, туку постојано треба да бидат на врвот на агендата на секој полиитчар и ги повика граѓаните во недела масовно да излезат на гласање и да дадат поддршка за концептот што води напред.

Рударите, посочи Пендаровски се пример дека трудот, макотрпната работа секогаш носи резултати, затоа да го следиме нивниот пример и посветено да работиме на обезбедување на европска иднина за нас и нашите деца.

– На гласачкото ливче само формално го пишува иматео на Гордана Сиљановска Давкова, доколку се гласа за неа, се гласа за враќање на груевизмот. Во недела со гласот за број 3 сигурно одиме во Европа и вие ставате печат груевизмот веќе никогаш да не се врати. Груевизмот беше поразен на парламентарните избори во 2016, на локалните во 2017 година, и доколку и сега биде поразен на претседателските избори дефинитивно никогаш нема да има Груевизам. Со глас за број 3 дефинитивно ќе имаме претседател, кој ќе го слуша гласот на народот, а не елитите. Дел сум од народот, и секогаш ќе бидам, рече Пендаровски.

Пендаровски побара масовна поддршка и глас за број 3 за продолжување на реформите и заедничкиот пат кон напредокот, развојот и интеграцијата во ЕУ и НАТО.

Најново

Министерката Апостолска во посета на „Амфенол“ – Нови инвестиции и работни места во компанијата, Законот за финансиска поддршка на инвестициите дава резултати

НСДП го усвои Извештајот за претседателските избори, донесе одлука за внатрепартиски избори и изгради став за промена на изборниот модел за избор на пратеници

Министерката Апостолска се сретна со полскиот амбасадор Тицињски

Министерката Апостолска ја посети американската компанија „Теламон“

Министерката Апостолска пред словачки бизнисмени ги претстави поволностите за инвестирање во земјава

СЛУЖБА ЗА ОДНОСИ СО ЈАВНОСТ НА НСДП