Министерката Апостолска се сретна со црногорскиот амбасадор Предраг Митровиќ

Министеркaта без ресор задолжена за странски инвестиции, Зорица Апостолска денес оствари работна средба со амбасадорот на Република Црна Гора во Република Македонија, Предраг Митровиќ.

foto

На средбата стана збор за актуелните економски состојби во двете земји, економско-трговските релации, како и за можностите за нивно понатамошно унапредување.

Од страна на амбасадорот Митровиќ беше изразен интерес за владините економски политики за поддршка на инвестициите и можностите што се нудат за отпочнување на бизнис во Република Македонија, за што министерката Апостолска го информираше за конкретните форми на финансиска поддршка кои може да ги очекуваат компаниите согласно Законот за финансиска поддршка на инвестициите. Притоа беше нагласено дека странските компании за своите инвестициски проекти може да остварат пристап до финансиската поддршка на транспарентен и недискриминирачки начин, со јасно дефинирани критериуми и услови.

Заеднички беше констатирано дека зајакнувањето на регионалната соработка во областа на инфраструктурата и економскиот развој, преку регионалните евроинтегративни иницијативи, како што е Берлинскиот процес, отвора простор за бизнис заедниците во Македонија и Црна Гора да препознаат импулс за градење деловни релации преку реализација на нови инвестиции.

Од соговорниците заеднички беше оценето дека постои голем простор позитивните политички трендови помеѓу Македонија и Црна Гора да се искористат за унапредување и на економската соработка.

Најново

Министерката Апостолска пред словачки бизнисмени ги претстави поволностите за инвестирање во земјава

Наместо предвремени избори во наредниот период треба жестока пресметка со корупцијата, криминалот, непотизмот, неодговорното однесување на носители на јавни функции и дополнително засилување на економскиот развој

Вицепремиерот Анѓушев и министерката Апостолска на средба со јапонска бизнис делегација – Република Северна Македонија би можела да биде порта за јапонските компании кон Европа

Шеста јавна дискусија за ,,Стратегијата за едно општество и интеркултурализам”: Да ги негуваме различностите и заедништвото уште од најмала возраст и да останеме посветени на обезбедување еднакви можности без разлика на етничка и национална припадност

Министерката Апостолска се сретна со шведскиот амбасадор Стефансон

СЛУЖБА ЗА ОДНОСИ СО ЈАВНОСТ НА НСДП