Компанијата „Кранфилд“ ја зголеми инестицијата по мерките од Планот за економски раст

Министерката без ресор задолжена за странски инвестиции Зорица Апостолска во име на Владата на Република Македонија денескa потпиша Анекс на Договорот за доделување на државна помош со компанија „Кранфилд Фаундри“, претставувана од Претседателот Сергеј Кручинин.

foto4

Со потпишувањето на овој Анекс на Договoрот, првично планираната инвестиција од  15 милиони евра компанијата ќе ја зголеми на 20 милиони евра и ќе отвори најмалку 100 нови работни места, кои со реализацијата на целиот инвестициски проект ќе достигнат до 280 вработувања.  Станува збор за изградба на современа фабрика за леење на железо во индустриската зона Неокази, општина Пробиштип, која ќе работи според највисоките еколошки стандарди и ќе испорачува производи воглавно наменети за автомобилската индустрија.

Министерката Апостолска истакна дека зголемувањето на вредноста на првично планираната инвестиција е најдобар сигнал за позитивните економски промени кои се случуваат во Македонија  како резултат на мерките од владиниот План за економски раст.

„Владата уште еднаш го потврдува својот партнески однос кој го гради кон странските инвеститори и ја демонстрира својата максимална посветеност за отстранување на сите пречки со кои се соочуваат инвеститорите во реализација на нивните проекти во Македонија“, рече министерката Апостолска на потпишувањето.

Од страна на компанијата се реализирани сите подготвителни градежни активности, потпишани се договори со добавувачите за производствениот капацитет, како и за набавка и инсталација на потребната опрема за производство. Дел од машините за производство веќе се увезени во Македонија и од страна на компанијата се договорени првите нарачки со клиентите за испорака на производите.

Најново

Министерката Апостолска пред словачки бизнисмени ги претстави поволностите за инвестирање во земјава

Наместо предвремени избори во наредниот период треба жестока пресметка со корупцијата, криминалот, непотизмот, неодговорното однесување на носители на јавни функции и дополнително засилување на економскиот развој

Вицепремиерот Анѓушев и министерката Апостолска на средба со јапонска бизнис делегација – Република Северна Македонија би можела да биде порта за јапонските компании кон Европа

Шеста јавна дискусија за ,,Стратегијата за едно општество и интеркултурализам”: Да ги негуваме различностите и заедништвото уште од најмала возраст и да останеме посветени на обезбедување еднакви можности без разлика на етничка и национална припадност

Министерката Апостолска се сретна со шведскиот амбасадор Стефансон

СЛУЖБА ЗА ОДНОСИ СО ЈАВНОСТ НА НСДП