ПЕТКОВСКИ: Груевски и Ахмети ги турнаа Македонците и Албанците во конфликт

Прес-конференција на претседателот на НСДП, Тито Петковски:

titoPress21maj-685x320

По примерот на Ѓорче Петров македонската јавност може да се увери кон што води националистичката и шовинистичката политика на Никола Груевски и Али Ахмети, демонстрирана за време на предизборната кампања на последните избори во РМ.

Заслепени од желбата да останат и да ја зголемат сопствената власт и моќ, свесно ги турнаа Македонците и Албанците во постојан конфликт и меѓуетнички тензии. И двајцата лидери во предизборието грмеа по плоштадите во РМ со своите националистички пораки.

Никола Груевски од Македонците бараше 62 мандати за да не го уценува Али Ахмети и да му бара албански јазик, промена на Устав, или некоја од првите три функции во државата, со што практично директно ги провоцираше Албанците.

Другиот пак Али Ахмети, провоцирајќи ги Македонците, од Албанците бараше 25 мандати за да не може Груевски сам да прави Влада. Дури излезе и со една небулозна теза за консензуален Претседател, за да не можат Македонците сами да си изберат Претседател на својата држава.

После се, многу лицемерно звучи повикот на еден нов пратеник на ДУИ ,,веднаш да се уапсат виновниците за поттикнување на меѓуетнички тензии“. Ако тој и неговите сопартијци искрено го посакуваат тоа, не треба да одат многу далеку во барањето на најголемите виновници. Едниот му е Претседател на неговата партија, а другиот Претседател на неговата Влада.

Според тоа, бидејќи резултатите од една налудничава политика се многу видливи, Груевски и Ахмети немаат морален кредибилитет заедно да формираат нова Влада. Тие недвосмилено покажаа дека не се во состојба да обезбедат соживот меѓу Македонците и Албанците и да обезбедат мирен и безбеден развој на македонското општество.

Најново

МИЛКОВСКИ НА СРЕДБА СО ДИРЕКТОРОТ НА НДИ ВАШИНГТОН ДЕРЕК МИЧЕЛ ЗА ДЕСЕТГОДИШНИОТ ПРОЕКТ МЕЃУ СОБРАНИЕТО И НДИ ЗА НЕЗАВИСНОСТ НА ЗАКОНОВНИОТ ДОМ

ПРЕС-КОНФЕРЕНЦИЈА НА ДИРЕКТОРКАТА БОШКОВСКА-ЈАНКОВСКИ ЗА СТРАТЕШКИТЕ И ТЕКОВНИ АКТИВНОСТИ НА ЦЕНТРАЛНИОТ РЕГИСТАР

ОБРАЌАЊЕ НА ПОТПРЕТСЕДАТЕЛОТ МИСОВСКИ НА ГЕНЕРАЛНАТА КОМИСИЈА ЗА ПРАВДА, ВНАТРЕШНИ РАБОТИ И БЕЗБЕДНОСНА СОРАБОТКА НА ПС НА ПСЈИЕ НА ТЕМА: „БОРБА ПРОТИВ ДЕЗИНФОРМАЦИИТЕ ВО ЈУГОИСТОЧНА ЕВРОПА“

Честит 9ти Мај! Ден на Европа. Ден на победата над фашизмот.

НСДП ги повикува сите граѓани, независно од нивната политичка, етничка, верска, јазична или културна припадност, на 5 мај да излезат на гласање и да го поддржат Стево Пендаровски

СЛУЖБА ЗА ОДНОСИ СО ЈАВНОСТ НА НСДП