КОТЕСКИ: Битола е на колена

Прес-конференција на Благојче Котески, советник од НСДП во Советот на Општина Битола

blagojde april 2014

После 9 години власт на локално ниво и 8 години власт на централно ниво невработеноста кај младата популација во Битола на возраст до 30 години, надминува над 40 %.

Каде се ветените 8 милијарди евра во инвестиции? Каде се 5-те илјади ветени вработувања за Битола? За што ДПМНЕ во Битола, потроши повеќе од 200 милиони евра во овие девет години?!

Битолчани знаат дека денес Битола е на колена. Од некогашен економски центар, втор град во Македонија, денес Битола е економски мртов и социјално опустошен град.

Некогаш нашата чаршија имаше живот. Денес е место на затворени дуќани со спуштени ќепенци.

Исчезнуваат традиционалните занаети, исчезнува трговијата на мало и големо, секојдневно исчезнуваат малите и средни бизниси кои во секоја држава се најголемите работодавачи.

Под притисокот на секојдневните казни, казни кон локалните бизниси и бизнисмени, казни кон опозицијата, казни кон медиумите и кон сите оние кои сакаат гласно да размислуваат поинаку, со зголемените давачки и даноци, властасистематски ја гасне економијата во градот,а младата и средна генерација масовно се иселува.

Тажни, осиромашени и безнадежни се лицата на нашите сограѓани. Битолчани се се’ посиромашни, додекавласта, е се’ побогата, и со се’поголем имот и секако со деца вработени во државни институции.

Денес платите во Битола и во Македонија се како во Бангладеш а цените како во Париз.

Затоа Битола се буди. Затоа, денеска на Битола и Македонија како никогаш досега и се потребни промени!

Најново

МИЛКОВСКИ НА СРЕДБА СО ДИРЕКТОРОТ НА НДИ ВАШИНГТОН ДЕРЕК МИЧЕЛ ЗА ДЕСЕТГОДИШНИОТ ПРОЕКТ МЕЃУ СОБРАНИЕТО И НДИ ЗА НЕЗАВИСНОСТ НА ЗАКОНОВНИОТ ДОМ

ПРЕС-КОНФЕРЕНЦИЈА НА ДИРЕКТОРКАТА БОШКОВСКА-ЈАНКОВСКИ ЗА СТРАТЕШКИТЕ И ТЕКОВНИ АКТИВНОСТИ НА ЦЕНТРАЛНИОТ РЕГИСТАР

ОБРАЌАЊЕ НА ПОТПРЕТСЕДАТЕЛОТ МИСОВСКИ НА ГЕНЕРАЛНАТА КОМИСИЈА ЗА ПРАВДА, ВНАТРЕШНИ РАБОТИ И БЕЗБЕДНОСНА СОРАБОТКА НА ПС НА ПСЈИЕ НА ТЕМА: „БОРБА ПРОТИВ ДЕЗИНФОРМАЦИИТЕ ВО ЈУГОИСТОЧНА ЕВРОПА“

Честит 9ти Мај! Ден на Европа. Ден на победата над фашизмот.

НСДП ги повикува сите граѓани, независно од нивната политичка, етничка, верска, јазична или културна припадност, на 5 мај да излезат на гласање и да го поддржат Стево Пендаровски

СЛУЖБА ЗА ОДНОСИ СО ЈАВНОСТ НА НСДП